საქართველოს ეროვნული ნაკრები ერთა ლიგის მესამე და მეოთხე ტურის მატჩებისთვის მზადებას თბილისში განაგრძობს. ჩვენმა ფეხბურთელებმა დღის პირველ ნახევარში სატრენაჟორო დარბაზში ივარჯიშეს. დღესვე ვლადიმირ ვაისის გუნდმა ორმხრივი თამაში გამართა. ეროვნულ ნაკრებში გამოძახებული ყველა ფეხბურთელი მომავალი მატჩებისთვის სრული დატვირთვით ემზადება. საქართველოს ნაკრების მომავალი მეტოქე, თბილისში 11 ოქტომბერს ჩამოვა. ანდორელები დედაქალაქში ერთადერთ ვარჯიშს 12 ოქტომბერს „დინამო არენაზე“ გამართავენ.
საქართველოს ნაკრების 24 კაციანი შემადგენლობა:
მეკარეები
გიორგი ლორია (კრილია სოვეტოვი, რუსეთი), როინ კვასხვაძე (ტორპედო, ქუთაისი), ლაზარე კუპატაძე (საბურთალო, თბილისი)
მცველები
ოთარ კაკაბაძე (ლუცერნი, შვეიცარია), სოლომონ კვერკველია (ლოკომოტივი, მოსკოვი, რუსეთი), დავით ხოჭოლავა (შახტარი, დონეცკი, უკრაინა), გურამ კაშია (სან ხოსე ერთკვეიკსი, აშშ), ლაშა დვალი (პოგონი, პოლონეთი), გიორგი ნავალოვსკი (დინამო, მინსკი, ბელარუსი), ჯიმი ტაბიძე (უფა, რუსეთი)
ნახევარმცველები
ჯაბა კანკავა (ტობოლი, ყაზახეთი), ნიკა კვეკვესკირი (ტობოლი, ყაზახეთი), გიორგი აბურჯანია (ლუგო, ესპანეთი), ვაკო გვილია (ლუცერნი, შვეიცარია), ოთარ კიტეიშვილი (შტურმი, ავსტრია), ჯანო ანანიძე (სპარტაკი, მოსკოვი) გიორგი მერებაშვილი (ვისლა, პლოცკი, პოლონეთი), გიორგი ჩაკვეტაძე (გენტი, ბელგია), თორნიკე ოქრიაშვილი (კრასნოდარი, რუსეთი), ვაკო ყაზაიშვილი (სან ხოსე ერთკვეიკსი, აშშ), ჯაბა ჯიღაური (გრენობლი, საფრანგეთი), ლუკა ზარანდია (არკა, პოლონეთი), ვახტანგ ჭანტურიშვილი (სპარტაკ-ტრნავა, სლოვაკეთი)
თავდამსხმელი
ნიკა კაჭარავა (ანორთოსისი, კვიპროსი)
საქართველოს ნაკრები D ლიგის პირველ ჯგუფს 6 ქულით ლიდერობს. ანდორა 2 ქულით მეორე პოზიციაზე. ყაზახეთისა და ლატვიის ნაკრებები კი ერთი ქულით მესამე-მეოთხე ადგილებს ინაწილებენ.
ერთა ლიგის მესამე ტური
13 ოქტომბერი
საქართველო - ანდორა 20:00
ლატვია - ყაზახეთი 20:00
ერთა ლიგის მეოთხე ტური
16 ოქტომბერი
ყაზახეთი - ანდორა 18:00
ლატვია - საქართველო 22:45
