სიახლეები

უეფას მწვრთნელთა განათლების Pro ლიცენზიის კურსის მეცხრე მოდული 5 აგვისტოს დასრულდება

მწვრთნელთა განათლება
გაუზიარე

საქართველოს ფეხბურთის ფედერაციის ორგანიზებით უეფას მწვრთნელთა განათლების უმაღლესი საფეხურის Pro ლიცენზიის კურსის მეცხრე მოდულის ფარგლებში კურსის მონაწილე მწვრთნელები უეფას 21-წლამდე ევროპის ჩემპიონატის გადამწვყეტ მატჩებს დაესწრნენ.

უეფას ექსპერტის გენადი სკურტულის ჩართულობით, კურსანტები 26 ივნისიდან 2 ივლისის ჩათვლით კურსანტები იტალიაში ევროპის კონტინენტის პირველობის ნახევარფინალურ და ფინალურ შეხვედრებს დასწრნენ. ისინი ადგილზე გაეცნენ თანამედროვე საფეხბურთო ტენდენციებს, დაესწრნენ მიმდინარე მატჩებს და შესაბამისის ტექნიკური-ტაქტიკური ანალიზი მოამზადეს.

„საქართველოს ფეხბურთის ფედერაციისთვის მწვრთნელთა განათლება ერთ-ერთი პრიორიტეტული მიმართულებაა, რადგან ვთვლით, რომ ფეხბურთის განვითარება განათლებული და პროფესიონალი მწვრთნელების გარეშე წარმოუდგენელია.

ჩვენ ყოველდღიურ რეჟიმში ვმუშაობთ, რომ ლიცენზიის მაძიებელ მწვრთნელებს რაც შეიძლება სრულყოფილი სწავლება შევთავაზოთ. იტალიში გამართული Pro ლიცენზიის მეცხრე მოდული სწორედ ამის დასტურია. ვფიქრობ, რომ კურსის მონაწილეებმა საკმაოდ დიდი გამოცდილება მიიღეს, რომელსაც მომავალ საქმიანობაში გამოიყენებენ.“ - ზაზა ზამთარაძე - სფფ-ის ტექნიკური დირექტორი.

აღნიშნული მოდულის დასკვნითი, ერთდღიანი სემინარი თბილისში 5 აგვისტოს დავით პეტრიაშვილი არენაზე გაიმართება. მე-10 მოდული კი 4-6 სექტემბერს გაიმართება. სასწავლო პროგრამა სულ 12 მოდულისგან შედგება, რომელიც 2018 წლის თებერვალში დაიწყო და 2019 წლის დეკემბერში დასრულდება.

სასწავლო კურსის დასრულების შემდეგ გამოცდების წარმატებით ჩაბარების შემთხვევაში საფეხბურთო სპეციალისტებს უმაღლესი კატეგორიის სამწვრთნელო ლიცენზია გადაეცემათ.

ამ ეტაპზე უეფას მწვრთნელთა განათლების Pro ლიცენზიის კურსზე 20 მწვრთნელი ირიცხება. პროექტი ფეხბურთი ფედერაციის ორგანიზებით და ქართული ფეხბურთის განვითარების ფონდის მხარდაჭერით ხორციელდება.