სიახლეები

ევრო 2009-ის შესარჩევი ტურნირი უნგრეთი 2:2 საქარ

გაუზიარე

გუშინ საქართველოს 17-წლამდელთა ნაკრებმა უნგრეთის ქალაქ სომბათჰეიში ევროპის 2009 წლის ჩემპიონატის შესარჩევი ტურნირის პირველი შეხვედრა ჩაატარა - გელა შეყილაძის გუნდმა მასპინძელ უნგრეთთან ფრედ 2:2 ითამაშა.



საქართველოს ნაკრები ორჯერ იგებდა შეხვედრას: იტალიის ”ემპოლიში” მოთამაშე ირაკლი შეყილაძემ მე-20 წუთზე კონტრშეტევის შემდეგ, 8 მეტრიდან უძლიერესი დარტყმით გახსნა ანგარიში, 53-ე წუთზე კი, მეკარესთან პირისპირ გასულმა, დაახლოებით 11 მეტრიდან მეორედ დალაშქრა მასპინძელთა კარი. უნგრელებმა 53-ე და 65-ე წუთებზე გაათანაბრეს - ორივე შემთხვევაში ნორბერტ ანგიალმა გამოიჩინა თავი.



ჩვენი შესარჩევი ჯგუფის მეორე შეხვედრაში ჩეხეთის ნაკრებმა ბოსნია-ჰერცოგოვინის გუნდს 2:1 სძლია.



ხვალ, 24 სექტემბერს საქართველოს 17-წლამდელთა ნაკრები ქალაქ ბუკში ჩეხეთის ნაკრებს დაუპირისპირდება.



* * *



ევროპის 2009 წლის ჩემპიონატის შესარჩევი მატჩი. 22 სექტემბერი, 2008. უნგრეთი, სომბათჰეი, ”როჰონჩი უტი”. 1.500

უნგრეთი 2:2 საქართველო

გოლები: 0:1 ი.შეყილაძე (20), 1:1 ნ.ანგიალი (52), 1:2 ი.შეყილაძე (53), 2:2 ნ.ანგიალი (65)

უნგრეთი: რ.ამბრუსიჩი, მ.კალაში, მ.იზგინი, კ.ოტიგბა, მ.ფარკაში, დ.კელემენი, ა.შაკალი (ი.კოვაჩი 52), მ.სკრიბა, შ.პონჩოკი, ბ.გიურიანი (მ.მაგოში 46), ნ.ანგიალი

მწვრთნელი: დიულა შივოცკი

საქართველო: გ.ნადირაძე, ბ.ამაშუკელი (კ.გაბაშვილი 51), ბ.მირცხულავა, მ.ფუტკარაძე, ნ.აფაქიძე, ნ.კვეკვესკირი, ნ.ძალამიძე, ლ.ელიზბარაშვილი, ჯ.ანანიძე, ი.შეყილაძე, ლ.ჩაფიძე

მწვრთნელი: გელა შეყილაძე

გაფრთხილება: შ.პონჩოკი

მსაჯები: ა.ანგელოვი (ბულგარეთი); კ.სტოილოვი (ბულგარეთი), რ.ჯინგულეაკი (რუმინეთი)