საქართველოს ფუტსალის ნაკრებმა გერმანია მეორედაც დაამარცხა

17 აპრილს, საქართველოს და გერმანიის ფუტსალის ეროვნულ ნაკრებებს შორის მეორე ამხანაგური მატჩი გაიმართა. შეხვედრა ორმხრივი შეტევებით წარიმართა და ახალ სპორტის სასახლეში შეკრებილმა გულშემატკივრებმა საინტერესო სანახაობა იხილეს.

ანგარიში მე-19 წუთზე ბუთა კაკაბაძემ გახსნა. მის გარდა ქართველთა მხირდან თავი თოდუამ (2) და ჭანუყვაძემ (2) გამოიჩინეს. გატანილი გოლების გარდა, გუნდებმა ორივე კართან უამრავი მომენტი შექმნეს. საბოლოო ჯამში, შეხვედრა ქართველთა დამაჯერებელი გამარჯვებით 5-0 დასრულდა. აღსანიშნავია, ჩვენი ნაკრების მეკარის, ჯაბა ჯამბურიას თამაში, რომელმაც რამდენიმე ურთულესი ბურთი მოიგერია.

შეგახსენებთ, რომ ამ გუნდებს შორის გამართული პირველი ამხანაგური შეხვედრაც ჯვაროსნების გამარჯვებით 4-0 დასრულდა.

საქართველო - გერმანია 5-0

თბილისი, ახალი სპორტის სასახლე

საქართველო: ჯამბურია, კაკაბაძე, ლუკავა, თოდუა, თოფურია.

სათადარიგოები: ბუკია, შელეგია, კობაიძე, სოზაშვილი, მაისაია, სებისკვერაძე, ბობოხიძე, ჭანუყვაძე.

მთ. მწვრთნელი: ავთანდილ ასათიანი.

გერმანია: ვიგელსი, დი ჯორჯო, ფრედელი, მეიერი, ვინკელი.

სათადარიგოები: ფული, ჰენრიხი, ელეზი, ჰარტმანი, ჰოფმანსი, კლემსი, ჰაინცე, რაინჰარტი, რუშენპიულერი, სოზერი, ხურადო გარსია.

მთ. მწვრთნელი: პოლ შუმანი.

მსაჯები: შოთა ქუხილავა, არსენ ნონიკაშვილი, ზვიად ბლიაძე, ლევან ვარამიშვილი.

გოლები: 1-0 კაკაბაძე (18:38), 2-0 თოდუა (30:55), 3-0 ჭანუყვაძე (35:12), 4-0 თოდუა (35:45), 5-0 ჭანუყვაძე (39:18)