შვეიცარიის ქალაქ ციურიხში, მსოფლიოს 2022 წლის საკვალიფიკაციო ეტაპის წილისყრა გაიმართა. 55 ევროპული ნაკრები ათ ჯგუფში გადანაწილდა. საქართველოს ეროვნული ნაკრები B ჯგუფში ითამაშებს.
მსოფლიო ჩემპიონატის საკვალიფიკიო ეტაპი | B ჯგუფი
- ესპანეთი
- შვედეთი
- საბერძნეთი
- საქართველო
- კოსოვო
ყატარის მუნდიალის საკვალიფიკაციო ეტაპი 2021 წლის მარტში დაიწყება და ნოემბერში დასრულდება. ჯგუფების გამარჯვებულები ავტომატურად მიიღებენ მსოფლიო ჩემპიონატის საგზურს. ჯგუფში მეორე ადგილზე გასული ნაკრებები (სულ 10) და უეფას ერთა ლიგის გათამაშების შედეგების გათვალისწინებით, კიდევ ორი ნაკრები, პლეი-ოფის სისტემით ბოლო სამი ადგილისთვის იბრძოლებს.
2022 წლის მსოფლიო ჩემპიონატზე სულ 13 ევროპული ნაკრები ითამაშებს. მუნდიალი ყატარში 2022 წლის 21 ნოემბრიდან 18 დეკემბრის ჩათვლით გაიმართება.
საკვალიფიკაციო ეტაპის კალენდარი უახლოეს პერიოდში გახდება ცნობილი და მას მოგვიანებით შემოგთავაზებთ.