9 დეკემბერს, ევროპის 2022 წლის ჩემპიონატის 17 და 19-წლამდე ნაკრებთა საკვალიფიკაციო ეტაპის წილისყრა გაიმართა. საქართველოს 17-წლამდე ნაკრები მეოთხე ჯგუფში ითამაშებს. ჩვენი გუნდი უნგრეთის, ისლანდიისა და ესტონეთის ნაკრებებს დაუპირისპირდება. ელიტ-რაუნდის საგზურს ჯგუფში პირველ-მეორე ადგილზე გასული ნაკრებები და 13 ჯგუფში ოთხი საუკეთესო მესამე ადგილოსანი მიიღებს.
საკვალიფიკაციო ეტაპის მატჩები 2021 წლის 1 ივლისიდან 16 ნოემბრის შუალედში ჩატარდება. ჩვენი ჯგუფის კალენდარი და შეხვედრების მასპინძელი ქვეყანა მოგვიანებით გაირკვევა. ევროპის 17-წლამდე ნაკრებთა 21-ე ჩემპიონატი, 2022 წლის მაისში ისრაელში გაიმართება.
საქართველოს 19-წლამდე საფეხბურთო ნაკრები მეათე ჯგუფში ნორვეგიას, უელსს და კოსოვოს შეხვდება. მატჩების გამართვის სამი სავარაუდო თარიღი განიხილება: 2021 წლის 30 აგვისტო - 7 სექტემბერი, 4-12 ოქტომბერი, 8-16 ნოემბერი. ჩვენი ჯგუფის კალენდარი და შეხვედრების მასპინძელი ქვეყანა მოგვიანებით გახდება ცნობილი ელიტ-რაუნდის საგზურს ჯგუფში პირველ-მეორე ადგილზე გასული ნაკრებები და 13 ჯგუფში ერთი საუკეთესო მესამე ადგილოსანი მიიღებს.
19 წლამდე ნაკრებთა ევროპის 21-ე ჩემპიონატი, 2022 წლის ზაფხულში სლოვაკეთში შედგება.