სიახლეები

7X7 Master League-ის 2021 წლის სეზონი დაიწყო

მასობრივი ფეხბურთი
გაუზიარე

14 მაისს, იმედის სტადიონზე თბილისის MASTER LEAGUE-ის 2021 წლის სეზონმა აიღო სტარტი.

2021 წლის სეზონის პირველი მატჩის დაწყებამდე დამსწრე საზოგადოებას სიტყვით საქართველოს ფეხბურთის ფედერაციის პრეზიდენტმა ლევან კობიაშვილმა, თბილისის მერიის წარმომადგენელმა ირაკლი ქობალიამ და 7x7-ზე ფეხბურთის ასოციაციის პრეზიდენტმა აკაკი ხლაბუსტოვმა მიმართეს. გამომსვლელებმა მოთამაშეებსა და გულშემატკივრებს ახალი სეზონის დაწყება მიულოცეს და ტურნირის თითოეულ მონაწილეს წარმატებული სეზონი უსურვეს. 

განახლებული სეზონის პირველ შეხვედრაში ერთმანეთს გასული წლის ჩემპიონი სსპს და ინტერსპორტი დაუპირისპირდნენ. უხვგოლიანი შეხვედრა მოქმედი ჩემპიონების გამარჯვებით ანგარიშით - 6:1 დასრულდა. მეორე მატჩში ფეხბურთის ფედერაციის გუნდი გრასრუტი და ბასიანს შეხვდა და ანგარიშით 8:3 გაიმარჯა. სფფ-ის გუნდის შემადგენლობაში საქართველოს ეროვნული ნაკრების მთავარი მწვრთნელის ასისტენტმა ადელ შედლიმ ითამაშა და მეტოქის კარში ერთი გოლის გატანაც მოახერხა.

პირველი ტურის მომდევნო მატჩებისა და Master League-ის მსვლელობის შესახებ დამატებითი ინფორმაცია შეგიძლიათ იხილოთ ბმულზე

შეგახსენებთ, რომ 7x7 ფეხბურთში Master League-ის გათამაშება პირველად 2019 წელს გაიმართა. აღსანიშნავია, რომ მიმდინარე წელს თბილისის ჩემპიონატში მონაწილე გუნდების რაოდენობა წინა წელთან შედარებით 25%-ით გაიზარდა და ჯამში რეგისტრირებული გუნდების რაოდენობამ დედაქალაქის მასშტაბით 56 გუნდი შეადგინა, რომლებიც სამ ლიგაში იქნებიან გადანაწილებული (MASTER LEAGUE, MASTER LEAGUE-II და MASTER LEAGUE-III).