შერატონ გრანდ თბილისი მეტეხი პალასში მოყვარულთა ლიგის 2022 წლის შემაჯამებელი ღონისძიება გაიმართა, რომლის ფარლგებშიც სხვადასხვა ნომინაციებში, თბილისი ლიგა 1-ის, თბილისი ლიგა 2-ისა და მოყვარულთა ლიგის საუკეთესო მოთამაშეები გამოვლინდნენ.
ღონისძიებას სფფ-ის პირველი ვიცე-პრეზიდენტი, კახა ჭუმბურიძე დაესწრო და დაჯილდოების ცერემონიაში მიიღო მონაწილეობა.
მოყვარულთა ლიგის ნომინაციებში გამარჯვებულები გახდნენ:
,,მოყვარულთა ლიგა“ 2022 წლის საუკეთესო ფეხბურთელი - ედგარ კაზარიანი (ბასა)
თბილისის ლიგა 1-ის საუკეთესო ფეხბურთელი - ალექსანდრე კობახიძე (გრასრუტი)
თბილისის ლიგა 2-ის წლის საუკეთესო ფეხბურთელი - ზუკა ბასილიშვილი (თბილისი სითი)
გოგონათა ლიგის საუკეთესო ფეხბურთელი - მარიამ ჯოჯუა (WPS ვაკე).
მეშვიდე სეზონის წარმატებით ჩატარებაში შეტანილი წვლილისთვის დაჯილდოვნდნენ ვეტერანებიც: უხუცესი ფეხბურთელი, 68 წლის თენგიზ კაზარიანი და ვეტერანი მწვრთნელი გივი მამულაშვილი.
2022 წლის ჩემპიონ ბასას 5 000 ლარი გადაეცა, ხოლო მეორეადგილოსან წყალტუბოს 2 500 ლარი. ფულადი ჯილდოები თბილისის ლიგა 1-ისა და თბილისის ლიგა 2-ის პრიზიორ გუნდებსაც გადაეცათ.
