საქართველოს ფეხბურთის ფედერაციის ტექნიკური დეპარტამენტის ორგანიზებით, 8-11 აპრილს, ქუთაისში, უეფას მწვრთნელთა განათლების C ლიცენზიის კურსი დაიწყო.
დასავლეთ საქართველოში მწვრთნელთანა განათლების C ლიცენზიის კურსის პირველ მოდულს, რომელზეც 30 მსმენელია დარეგისტრირებული, სფფ-ის ქუთაისის ტექნიკურმა ცენტრმა უმასპინძლა.
პირველი მოდულის მსვლელობისას, კურსის მონაწილეებს სფფ-ის ტექნიკური დირექტორი ზაზა ზამთარაძე და რეგიონული და ახალგაზრდული ფეხბურთის განვითარების ხელმძღვანელი, გოჩა თამაზაშვილი შეხვდნენ და წარმატება უსურვეს.
უეფას მწვრთნელთა განათლების C ლიცენზიის კურსი მოიცავს ორ მოდულსა და საგამოცდო მოდულს, რომლის წარმატებით დასრულების შემთხვევაში, მსმენელებს უეფას მიერ აღიარებული C ლიცენზია გადაეცემათ.
