28 აგვისტოს, უეფას კონფერენს ლიგის საკვალიფიკაციო ეტაპის პლეი-ოფის შეხვედრაში ალბანური დინამო ტირანა პოლონურ იაგელონიას უმასპინძლებს.
აღნიშნულ შეხვედრას ქართველი არბიტრები მოემსახურებიან. მთავარი მსაჯი გოგა კიკაჩეიშვილი იქნება. მას ასისტენტობას დავით ახვლედიანი და დავით გაბისონია გაუწევენ. მეოთხე მსაჯი ბაქარ ბრეგაძე იქნება, ხოლო ვიდეო რეფერის ასისტენტი - ალეკო აფციაური.
შეხვედრა ტირანაში გაიმართება და თბილისის დროით 22:45 საათზე დაიწყება.