პროექტი Integriball 2.0, რომელშიც საქართველოს ფეხბურთის ფედერაცია მონაწილეობდა, წარმატებით დასრულდა, ხოლო მისი შედეგები მნიშვნელოვან ახალ ეტაპს ქმნის საქართველოს საფეხბურთო ეკოსისტემაში. აღნიშნული საერთაშორისო ინიციატივა მიზნად ისახავდა მოთამაშეებისა და სამწვრთნელო შტაბისთვის პრაქტიკული ინსტრუმენტების მიწოდებით ფეხბურთში ეთიკის, ინტეგრირების, სამართლიანი თამაშისა და უსაფრთხო გარემოს პრინციპების გაძლიერებას.
პროექტის ფარგლებში შეიქმნა თანამედროვე, ევროპულ გამოცდილებაზე დაფუძნებული სახელმძღვანელო, რომელიც მოიცავს ინტერაქციულ სასწავლო მასალას, პრაქტიკულ სავარჯიშოებს, რეალურ შემთხვევებსა და პრევენციულ მიდგომებს. ეს სახელმძღვანელო გახდება ძირითადი საგანმანათლებლო რესურსი ადგილობრივი ტრენინგებისთვის, რომლებიც 2025 წლიდან ჩატარდება საქართველოს მასშტაბით.
Integriball 2.0-ის მიერ შემუშავებული სახელმძღვანელო გამოყენებული იქნება ქართული კლუბებისა და ნაკრებების განათლებისა და ცნობიერების ასამაღლებლად. ტრენინგები მოიცავს როგორც მოზრდილთა, ასევე ასაკობრივ გუნდებს.
პროექტი ხელს შეუწყობს საქართველოში უსაფრთხო, სამართლიან და ინკლუზიურ საფეხბურთო გარემოს ჩამოყალიბებას. ადგილობრივი სესიები გააძლიერებს კლუბების ცოდნას ისეთ მნიშვნელოვან თემებზე, როგორებიცაა:
-
დისკრიმინაციის პრევენცია
-
სქესობრივი თანასწორობა სპორტში
-
ბულინგისა და ძალადობის აღმოფხვრა
-
ფსიქოლოგიური და ფიზიკური დაცულობა
-
ეთიკური გამოწვევები და სამართლიანი თამაში